Saskibaloi campusak antolatu dituzte Andraitz eta Goierri klubek Gabonetarako
Legazpiko Bikuña eta Urretxuko Aldiri kiroldegietan gauzatuko dira abenduaren 23an, 26an, 27an eta 30ean. Hurrengo asteko ostiralean amaituko da izena emateko epea.
Iazko campuseko partaideak.Andraitz Andraitz eta Goierri kirol elkarteek antolatuta, saskibaloi campusak egingo da Legazpin eta Urretxun Gabonetako oporretan. Hilaren 23an, 26an, 27an eta 30ean izango dira, eta Legazpiko Bikuña eta Urretxuko Aldiri kiroldegietan egingo dira, 09:30etik 13:00etara. Prezioa 40 eurokoa da klubetako partaide direnentzat, eta 60 euroko ez direnentzat. Izena emateko epea irekita dago, hilaren 20ko 13:00ak arte, esteka honetan: https://forms.gle/mwf11BjYKpAoUCfJ8. Campusak 2009tik 2016ra bitartean jaiotako haurrei eta gaztetxoei daude zuzenduta.
Adinaren arabera antolatuko dituzte partaideen taldeak: 2015 eta 2016an jaiotako benjaminak, 2013an eta 2014an jaiotako kimuak, 2011n eta 2012an jaiotako haur mailakoak, eta 2009an eta 2010ean jaiotako kadeteak.
