Pilar Odriozolak irabazi du Ilintiren 1.000 euroko saria
Ostiral honetan gastatu beharko du, merkataritza elkarteko establezimenduetan.
Festa giroan eta 1.000 euroko zozketarekin amaitu zuen Ilintik Argia piztu! Gabonetako kanpaina joan den ostiralean. Xaibor DJak giroturiko festa izan zen, eta zozketarekin amaitu zen. Zenbaki saritua 1.3944 izan zen, eta bertan zegoenez jabea, ez zuten zozketa gehiagorik egin.
Saritutako txartela Pilar Odriozolarena zen, eta Alkain elektronika dendan jaso zuen. Odriozolaren ordez, Nekane Salazarrek jaso zuen saria. Ostiral honetan, hilak 20, gastatu beharko ditu 1.000 euroak, Ilintiko establezimenduetan eta €ak Lintxo maskotak lagunduta.
Festan zehar, txokolate beroa banatu zuten Ilintiko kideek.
