ESKU-PILOTA
Sanblasetako pilota jaialdirako sarrerak salgai, asteartean eta asteazkenean
San Blas jaietako esku pilota jaialdirako sarreren aurre salmenta irekiko dute datorren astean Idiazabalen. Urtarrilaren 14an eta 15ean egongo da aukera, 14:30etik 16:30era udaletxeko areto nagusian edo entradasfronton.com web gunean.
Pilota jaialdian Eskuz Binakako Txapelketaren baitako partidak jokatuko dituzte eta otsailaren 1ean izango da Igarondo pilotalekuan. Bi partida jokatuko dira, guztira, 17:00etan hasita; lehena Dario eta Gabirondo, Senar eta Ezkizoren aurka eta bigarrena; Elordi eta Zabaleta, Laso eta Iztuetaren aurka.
