Santa Ageda bezpera
Santa eskea antolatu dute otsailaren 4rako Zeraingo herri eskolan
Santa eskea Zerainen, artxiboko irudian. Hitza Zeraingo herri eskolak santa eskea antolatu du, beste urte batez, datorren otsailaren 4rako. 9:30ean aterako dira eskolatik eta Ariztibarren, Antxaputzu, San Roke eta Aranetik barrena 10:00etarako biribilgunean izango dira. Handik barrena, Zumadi, Saroi, Unsulategi eta udaletxean egingo dituzte geldialdiak eta 11:00etarako Ostatura iristea aurreikusita daukate. 12:30ean amaituko dute erronda plazan, Herreronea, Garoa, Otatza, Bistaeder, Mendi Behekoa, Mendia eta Txara igarota.
Herritarrei eskolako haurrak kantuan ikustera ateratzeko deia luzatu diete antolatzaileek.
