Santa Ageda eta San Pedro Ezkion elkartuta
Ezkioko Santa Ageda eskea, artxiboko irudi batean. Hitza Ezkioko Udalak San Pedro jaiak antolatzeko bilera deitu du biharko. Haurrak, gazteak eta helduak animatu dituzte bileran parte hartzera. Anduaga elkartean izango da, 18:00etatik aurrera.
Sanpedroetarako oraindik itxaron beharra izango den arren, Santa Ageda bezperako ospakizunak gainean dituzte Ezkion ere. Otsailaren 4an irtengo dira kopla kantari 18:00etan udaletxetik abiatuta. Ondoren, Argindegi ostatuan afaria egiteko elkartuko dira 20:30ean —helduak 20 euro, gazteak, 10 euro—. Afarirako izena emateko epea ostiral honetan amaituko da. Izena emateko udaletxera deitu behar da zuzenean.
