MENDIA

Gipuzkoako 37. eskolarteko ibilaldi neurtua egin dute Ormaiztegin

Denera 90 bat mendizale elkartu dira ibilaldia egiteko asmotan: Segura, Legazpi, Zumarraga, Idiazabal, Ordizia eta Urretxuko haurrak eta beraien gurasoak.

Lide Egizala Urteaga

Ormaiztegi

2025/03/16

Gipuzkoako 37. eskolarteko ibilaldi neurtua egin dute Ormaiztegin. Denera 90 pertsona inguru elkartu dira ibilaldia egiteko helburuarekin: Segura, Legazpi, Zumarraga, Idiazabal, Ordizia eta Urretxuko haurrak, eta beraien gurasoak. Ormaiztegiko udaletxe aurretik atera dira 9:30ean eta amaiera ere leku berean izan da. Urtero txandan-txandan antolatzen dituzte ibilaldi neurtuak Gipuzkoako herri ezberdinetan, eta gaurkoan, Ormaiztegirekin batera, Añorgan, Bergaran, Errenterian eta Orion ere egin dituzte irteerak, tokian tokiko mendi elkarteek antolatuta.

Bi ibilbide aukeran
Parte hartzaileek bi ibilbide egiteko aukera izan dute: 12 kilometrokoa eta 6 kilometrokoa. Lehena udaletxe paretik irtenda Zelandieta, Zerain, Mutiloa eta Lierni pasata, Ormaiztegin amaitu dute. Bigarren ibilbidea antzekoa izan da, baina Zelandietatik zuzenean jo dute Liernira eta handik berriz Ormaiztegira. Hiru kontrol gune jarri dituzte ibilbidean zehar: Zelandietan, Zerainen eta Liernin. Azken honetan, hamaiketakoa ere eskaini diete mendizaleei.

Azken elkarrizketak

Azken bideoak

Argitalpen bereziak