Hezkuntza publikoko irakasleen grebaren jarraipena ikastetxez ikastetxe
Goierrin, 22 zentrotan daude deituta greba egunak gaur eta bihar. Ehunekoak albiste barruan.
Gaur eta bihar, aurreko astekoekin jarraituz, greba egunak dituzte hezkuntza publikoko irakasleek. Sindikatuen eta Eusko Jaurlaritzako Hezkuntza Sailaren arteko negoziaketek emaitzarik ez zutenez izan, grebekin jarraitzea erabaki zuten sindikatuek. Steilas, LAB, ELA eta CCOO sindikatuek deituta, 27.000 irakasle inguru daude deituta Bizkaia, Araba eta Gipuzkoan, tartean Goierriko ikastetxeetako irakasleak ere. Goierriko 22 zentrotan daude grebak deituta.
Atzo, Steilasek eta LABek salatu zuten sailak bertan behera utzi zuela atzoko bilera teknikoa, eta sailak erantzun zuen grebek eragotzi egin dutela lan itun berrirako negoziazioek aurrera jarraitzea.
Goierriko ikastetxeek emandako datuak (greba egin duten irakasleen ehunekoa):
Datuek gora-beherak izan ditzakete, nahiz eta ikastetxe batzuetan %100eko jarraipena izan, legeak zerbitzu minimoak ezartzera derrigortzen baitu. Zerbitzu minimoak kontuan izanda, ehunekoa aldatu egiten da, nahiz eta berez grebak %100eko jarraipena izan.
Ataun
-Joxemiel Barandiaran herri eskola: %75 gaur, %79 bihar.
Beasain
-Beasain BHI: Ez dute daturik eman nahi izan.
-Murumendi eskola: Daturik ez.
-Alkartasuna Lizeoa: %50 gaur eta bihar.
Ezkio
-Herri eskola: Daturik ez.
Gabiria
-Balentzategi herri eskola: %66 gaur eta bihar.
Idiazabal
-Aita Iparragirre herri eskola: %60 gaur, %70 bihar.
Itsasondo
-Urkipe herri eskola: %75 gaur eta bihar.
Legazpi
-Domingo Agirre eskola: %61 gaur eta bihar.
-Olazabal institutua: %54 gaur eta bihar.
Legorreta
-Ugaro herri eskola: Daturik ez.
Olaberria
-Herri eskola: %100 gaur eta bihar. Zerbitzu minimoak.
Ordizia
-Urdaneta ikastetxea: Daturik ez.
-Oianguren institutua: Daturik ez.
Ormaiztegi
-San Andres herri eskola: %100 gaur eta bihar. Zerbitzu minimoak eman behar izan dituzten langileak kontuan izanda, %86,36.
Segura
-Laiotz herri eskola: Daturik ez.
Urretxu
-Gainzuri ikastetxea: %73,33 gaur eta bihar.
-J.M. Iparragirre institutua: %55 gaur eta bihar.
Zaldibia
-Lardizabal herri eskola: Daturik ez.
Zegama
-Aitxuri herri eskola: %64 gaur eta bihar.
Zerain
-Herri eskola: Ez dute daturik eman nahi izan.
