Ibarzabalek Muñagorri protagonista duen eleberria aurkeztuko du, bihar
Aurkezpena Zumalakarregi museoan izango da, 18:30ean. Parte hartzeko aldez aurretik izena eman behar da.
Eugenio Ibarzabal artxiboko argazkian. Hitza Eugenio Ibarzabal (Donostia, 1951) ekonomialari, kazetari eta idazleak Muñagorri, el conde y la condesa eleberria aurkeztuko du bihar Ormaiztegiko Zumalakarregi museoan. Jose Antonio Muñagorri (Berastegi, 1794- Eratsun, Nafarroa Behera, 1841) eskribau, negozio gizon, politikari eta militarra da Ibarzabalen eleberriko protagonista nagusia, bere emazte Etxauzko kondesarekin batera eta Lehen Karlistaldian girotuta. Manuel Jose Zabala (Ordizia, 1772-Altzo, 1842) Villafuerteseko kondea zenaren artxiboa sakonki aztertu behar izan du eleberria idazterako orduan eta berak eta haren emazteak ere osatzen dute nobelako pertsonaien korua.
Ibarzabalek berak aurkeztuko du gaur bere lana, 18:30ean Zumalakarregi museoan, Mikel Alberdi museoko artxibozainak gidatutako saioan. Parte hartzeko mzumalakarregi@gipuzkoa.eus helbide elektronika mezu bat idatzita izena ematea komeni da.
