Goierriko 32 enpresak Kode Etikoaren ziurtagiriak jaso dituzte
Gaur izan da ekitaldia Gasteizen. 2024ari dagokien ziurtagiriak banatu dizkiete.
Segurako interpretazio zentroko, Erro zerbitzu turistikoko, Ormaiztegiko turismo bulegoko, Zeraingo turismo bulegoko eta Igartza jauregiko ordezkariak eta Ion Ubide Goitur-eko teknikaria, gaur, Gasteizen.Goitur Goierriko 32 enpresa turistiko edo turismoari lotutako enpresak Kode Etikoaren ziurtagiriak jaso dituzte gaur Gasteizko Europa Jauregian egin den ekitaldi instituzionalean, Goierriko beheko hamaseiri eta Goierri garaiko beste hamaseiri. Bertan izan da Javier Hurtado Eusko Jaurlaritzako Turismo, Merkataritza eta Kontsumo Sailburua.
2024. urteari dagokien ziurtagiriak banatu dizkiete, Goierri behean Ataungo turismo bulegoari, Beasaingo Dolarea hotelari, Beasaingo Igartza Jauregiari, Erro zerbitzu turistikoei, Goiturri, Idiazabalgo Gaztaren Interpretazio Zentroari, Ordiziako Delikatuz Interpretazio Zentroari, Ordiziako Ordizia hotelari, Ormaiztegiko turismo bulegoari, Segurako Imaz hotelari, Segurako Erdi Aroko Interpretazio Zentroari, Zegamako Aizkorriko Ataria Interpretazio Zentroari, Zegamako Arrieta Haundi nekazalturismoari, Zeraingo turismo bulegoari, Zeraingo Oiharte sagardotegiari eta Zeraingo Aizpeako Interpretazio Zentroari; eta Goierri garaian, Buen Bokadori, Chillida Lantokiari, Aldabea apartamentuak-i, Berit tabernari, Bidezar tabernari, Urzubi tabernari, Zelai pentsioari, Urrelur museoari, Argidengi ostatuari, Eire tabernari, Martiamuno landetxeari, Katilu tabernari, Urola Garaiko turismo bulegoari, Igartubeiti baserri museoari, Bergaretxe geltokia apartamentuak-i eta Uggasari.
Aurten, Urola Garaiko hiru enpresa atxiki dira programan: Etxeberri jatetxea, Urola pentsioa eta Mirandaolako turismo bulegoa.
Eusko Jaurlaritza duela bost urte hasi zen Turismoaren Kode Etikoa programa ezartzen, hori eskatu zuten enpresekin. Euskadiko Turismoaren Kode Etikoa, Turismorako Munduko Kode Etikoaren egokitzapena da eta Garapen Jasangarrirako Agenda 2030ean ezarritako Garapen Jasangarrirako Helburuekin bat egiten du.
Programa horretan atal hauek aztertzen dira: turistak ulertzen eta errespetatzen laguntzea, berdintasuna, gizarteratzea eta aniztasunarekiko tolerantzia, jasangarritasuna, bertako tradizioaren eta kulturaren sustapena, gizateriaren kultur ondarea zaintzea, bikaintasuna eta profesionaltasuna, pertsonen eskubideak errespetatzea eta tratu egokia ematea sektoreko langile eta enpresariei.
Katilu, Urzubi, Zelai pentsio, Uggasa turismo, Martiamuno landetxe eta Lenbur Fundazioko ordezkariak Hurtadorekin.
