Juan Pedro Lozanok irabazi du 82. Lazkaoko Txirrindulari Proba
Txirrindularitzak hartu du Lazkaoko erdigunea 82. probarekin
Giro bizian jokatu da gaur goizean 82. Lazkaoko Txirrindulari Proba, Euskaldun Txapelketarako puntuagarria den lasterketa. Goizeko 12:30ean eman zaio amaiera probari eta eguraldiak lagundu ez badu ere ikusle ugari bildu dira helmugako gunera.
Garaipena Juan Pedro Lozanok lortu du, lehenengo postuan helmugaratuta. Gari Ugartek eta Aimar Tadeok osatu dute podiuma, bigarren eta hirugarren postuak eskuratuta. Partaidetza handia izan du aurtengo edizioak: guztira 122 txirrindularik hartu dute parte.
Lasterketa osoan zehar erritmo bizia eta tentsioa nagusitu dira. Beste behin ere, agerian geratu da Lazkaon txirrindularitzak duen errotze handia, bai kirolarien parte-hartzeari bai zalegoaren presentziari esker.
