‘Zu’ dolurako memoria gunea inauguratu dute Legazpiko hilerrian
Legazpiko Zu memoria-gunea inauguratu dute hilerrian. Udalak eta Esku Hutsik haurdunaldian, erditzean eta jaioberritan gertatzen diren haurtxoen heriotzengatiko dolu elkarteak izandako lankidetzaren ondorio da memoria-gunea. Ekitaldian Eric Galvez alkateak, hainbat zinegotzik Esku Hutsik elkarteko kideek eta herritarrek parte hartu dute. Memoria-guneko ardatza Juan Mari Burguera herriko artistak egindako Zu eskultura da. Hildako haurtxo guztien memoria ohoratzen du.
