CAFek 3.400 milioi euroko kontratua irabazi du Belgikan
CAF enpresak SNCB tren-zerbitzu publikoa hornituko du hurrengo hamarkadetan.
CAF enpresak beste urrats estrategiko bat egin du nazioartean, Belgikako SNCB tren-zerbitzu publikoak 3.400 milioi euroko kontratu erraldoia esleitu ostean. Ordain horren truke, 600 tren unitate berri ekoitziko ditu Beasainen egoitza nagusia duen konpainiak, Belgika osoan barrena ibiliko direnak hurrengo urteetan.
Kontratuaren adjudikazioa gaur goizean berretsi du SNCBren Administrazio Kontseiluak, eta CAFek aurkeztutako proposamena aukeratu dute. Espainiako eta Alemaniako beste enpresa handi batzuk ere aurkeztu ziren lehiaketara, baina azkenean Beasaingo enpresak irabazi du lehiaketa.
Kontratua Belgikako tren-flota berritzeko planaren parte da, eta lehenengo unitateak 2029 urterako prest egongo dira. Lanaren zatirik handiena Euskal Herrian ekoitziko da, Beasainen eta Irungo instalazioetan, milaka lanpostu bermatuz datozen urteetarako.
CAF enpresarentzat aukera historikoa da hau eta eskualdeko industria sare osoarentzat bultzada sendoa. Izan ere, kontratu honi esker, CAFek sendotu egiten du bere presentzia Europako tren-merkatu publikoan, eta bere nazioarteko lidergoa berresten du. Adituen arabera, operazio hau mugarri nagusietakoa izango da.
