Orientazio proba egin dute Zegaman
Maila goreneko orientazio kirolariak izan dira bertan, hala nola, Katalunia, Asturias, Gaztela edota Frantziako orientazio kirolaririk abilenak.
Beste ediziko bateko irudia. Maila goreneko orientazio kirolariak izan dira bertan, hala nola, Katalunia, Asturias, Gaztela edota Frantziako orientazio kirolaririk abilenak. Horretaz gain, Espainiar Estatuko txapeldunak eta berriki Europako Txapelketan izan diren gazteak ere bertan izan dira. GOT (Gipuzkoako Orientazio Taldea)-ek Zegamako udala eta Goierri Turismoren laguntzarekin antolatu du proba, eta ipar ligarako baliogarria izan da.
Guztira 2 proba antolatu dira. Lehena, atzo izan zen, distantzia ertaineko proba batekin, Aratz inguruan izan zuten erronka parte hatzaileek. Kasu honetan, terreno oso teknikoko ibilbidea egin zuten parte hartzaileek. Gaur goizean, berriz, San Adrian eta Urbia arteko basoetan egin dute distantzia luzeko proba. Amaitutakoan, asteburuko emaitzen batura kontutan izanda sari banaketa egin da Aldaolako lehiaketa gunean.
Aizkorrin, 10 urteko neska mutilentzako ibilbideetatik hasi eta 65 urte baino gehiago dituztenentzako ibilbideak izan dira, 2 kilometroko ibilbidea edo 6 kilometroko orientazio proba teknikoa. Eliteko orientazio kirolariekin batera, familia eta lagunek ere parte hartu ahal izan dute proba hauetan.
