Irene Paredes Europako txapeldunorde
Penaltietan galdu du Espainiako selekzioak Europako finala Ingalaterraren aurka.
Irene Paredes Europako txapeldunordea dominari musu ematen. Espainiako emakumezkoen futbol selekzioa Europako txapeldunorde izan da. Ingalaterrako St. Basileako Jakob Park estadioan jokatu zen partida atzo arratsaldean. Irene Paredes legazpiarra, taldearen kapitaina dena, pena handiarekin agertu zen partida luzearen ostean. Izan ere, Espainiako selekzioak penaltietan galdu zuen Eurokopako finala, arauzko laurogeita hamar minutuak banakoarekin amaitu ondoren. Mariona Caldenteyk Espainiako taldea aurreratu zuen buruz Ona Batlleren erdiraketaren ostean, 25. minutuan. Ondoren, 57. minutuan, Alessia Russo britainiarrak, bere jokalari nabarmenetako batek, berdinketa jarri zuen markagailuan. Gero, aparteko denboran, ez zen golik izan eta zorigaiztoko jaurtiketetan ingelesek 3 eta 1 irabazi zuten.
“Ez dakit zer esan. Oso gogorra da. Bide guztietatik saiatu gara, era guztietara. Penaltietan gehiago merezi izan dugu. Guk konfiantza osoa genuen, baina ez dugu lortu guk dakigun bezala jokatzen eta ezin izan dugu garaipena lortu”, deitoratu zuen Irene Paredesek partidaren amaieran kameren aurrean.
