Goierritarrak fin ibili dira Espainiako pista estaliko pisu jaurtiketako proban
Zuhatz Sukia hirugarren, Aimar Alustiza laugarren ata Aratz Cendon hamaikagarren gelditu ziren atzoko proban.
Cendon, Sukia eta Alustiza, entrenatzailearekin batera. Atzo jokatu zen 23 urtez azpiko pista estaliko Espainiako Txapelketan emaitza esanguratsuak lortu zituzten Goierriko kirolari gazteek. Zuhatz Sukia ataundarrak podiumera igotzea lortu zuen, pisua 16,70 metrora jaurtita hirugarren postua eskuratuz. Aimar Alustiza legorretarrak 16,20 metroko marka egin zuen —Sukiak baino 30 zentimetro gutxiago— eta laugarren sailkatu zen; Aratz Cendon ordiziarrak, berriz, hamaikagarren postuan amaitu zuen lehiaketa, 13 metroko jaurtiketarekin.
Espainiako Atletismo Errege Federazioak (RFEA) antolatuta, txapelketa honek denboraldi bakoitzean kategoriako atletarik onenak biltzen ditu pista estalian, eta neguko egutegiko hitzordu nagusietako bat izaten da.
