Barandiaran, umeei azalduta
Nor izan zen Barandiaran? Gaur egungo umeek ba al dakite galdera horri erantzuten? Zalantza horrek piztu du Barandiaran Fundazioaren azken ekimenetako bat. 1, 2, 3 Barandiaran proiektuan, bost bideo laburretan eta marrazki bizidunekin lagunduta, Joxemiel Barandiaran antropologi eta etnografo ataundarraren bizitza eta hark egindako lanak kontatzen dira.
Bilduma bost bideok osatzen dute, eta horien aurkezpen lanak egiten dituen bideoa zabaldu dute dagoeneko. Hurrengo bostak, hamabost egunez behin zabalduko dituzte, hilaren 19an hasita, Barandiaran Furndazioak Youtuben duen kanalean.
