Bisita gidatua: 'Errebote plazan ondare bizia berreskuratuz'
Urriaren 29an, 12:00etan, Errebote plazan ondare bizia berreskuratuz bisita gidatua egingo dute Seguran.
“XVIII. mende amaieran pilota jokorako sortutako plaza berreskuratu berri dugu Seguran. Plazaren alde batean erreboteko frontisaren oinarria topatu da eta bestean sakarri originala dugu. Orain galtzen ari diren pilota modalitateak herriko plazan jokatzeko aukera dago eta ondarea biziberritzeko partida bat jokatuko dugu eta ondoren lantegi ireki bat egingo da. Duela 3 mende Segurako plazak zuen izaera berreskuratu nahi da, plazari zentzua ematen dion jokoa biziberrituz”.