Kontzertua: World Vision Korea Children’s Choir
Urriaren 29an, 19:00etan, World Vision Korea Children’s Choir abesbatzak kontzertua egingo du Loinazko San Martin basilikan. Igartza Musika Zikloaren barruko kontzertua da.
World Vision Korea Children’s Choir
Tolosako abesbatza lehiaketan izango da World Vision Korea Children’s Choir eta Beasainen ere egingo dute geldialdia. Haur eta gazte abesbatza da, 40 ahotsez osatutakoa. World Vision abesbatza, Koreako gerraren ondorioz umezurtz, gaixo edo pobrezia-egoeran geratu ziren haurrei laguntzeko sortu zen. Ibilbide arrakastatsua izan dute urteetan zehar. Gaur egun, Bomi Kim da zuzendaria. Abesteaz gain, bisualki ere gauza ikusgarriak egiten dituzte, koreografia atseginak eta oso erakargarriak.
