Zegamako belea 23an jaitsiko da festara

Abuztuaren 23tik 27ra San Bartolome jaietan murgildurik izango dira zegamarrak.

Goierriko Hitza

2017/08/18

Paella lehiaketa, iaz.

Datorren asteazkenean, abuztuaren 23an, hasiko dituzte zegamarrek San Bartolome jaiak. Eguerdian jaitsiko dute belea festara, eta igandera arte ibiliko da parrandan, ekitaldiz ekitaldi. Festetako lehen eguna, asteazkena, mozorroen eguna izango dute. Kuadrilla bakoitza mozorroturik aterako da kalera goizean goizetik, eguerdian bazkaria izango dute, eta iluntzean sari banaketa. 18 urtetik beherakoentzako sari bat banatuko du udalak, eta 18 urtetik gorakoentzat beste sari bat. Ostegunean jaietako egun handia ospatuko dute: San Bartolome eguna. Herriko agintariek dantza egingo dute plazan, eta azken urtebetean jaiotako haurrei ongi etorria egingo diete. Paella lehiaketa, kuadrillen eguna eta sardina jatea Ostiralean haurrentzako jolasak, paella lehiaketa eta herria afaria izango dira ekitaldi nagusiak. Larunbatean, berriz, kuadrillen txanda izango da: kalejira, bazkaria eta jolasak izango dituzte. Igandean, jaiak amaitzeko, sardina jana egingo dute plazan. Igande gauean esango diete agur bai beleari, baita festei ere. EGITARAUA Abuztuak 23, asteazkena

09:30. Herritarren arteko txirrindulari probak (7 urtetik 13 urtera bitartekoentzat)
09:30. XLVII. Apeaderora Igoera, Jabier Berasategiren omenez (14 urtetik gorakoentzat)
11:30. Kuadrillak mozorroturik plazan elkartzea, Beti Bogan txarangarekin.
12:00. Belearen jaitsiera, jaiei hasiera emateko.
14:00. Kuadrilen bazkaria, Elizondo plazan.
17:30. Herritarren bola txapelketa.
18:00. Futbito txapelketako finala.
19:30. Buruhandi eta erraldoien kalejira, Beti Bogan txarangarekin.
20:15. Mozorroen sari banaketa.
Gauean: Drindots taldearekin erromeria.

Abuztuak 24, osteguna

10:00. Zegamako txistularien goiz eresia.
11:00. San Bartolome ermitatik parrokiara prozesioa herriko txistulari, dantzari eta agintariekin. Ondoren, meza nagusia.
12:30. Soka dantza herriko agintarien eskutik.
13:15. 2016ko San Bartolome egunetik 2017kora bitartean jaiotako haurrei ongi etorria.
13:30. Tobera Musika Eskolako dantza taldearen emanaldia, plazan.
17:00. Apar jaia.
18:00. Pilotari federatuen pilota partidak.
19:30. Erraldoi eta buruhandien kalejira herriko txistulariekin.
20:30. Poteoa, musikaz gidaturik.
21:30. Gazte Afaria.
Gauean: Oihan Vegarekin dantzaldia, plazan.

Abuztuak 25, ostirala

09:30. Elkarteen arteko paella lehiaketa.
10:00. Urteko hildakoen aldeko meza San Bartolome ermitan.
11:00. Haur jolasak, Jabier Otaegi kultur etxeko plazan.
12:30. Paella lehiaketako sari banaketa eta paella dastatzea.
13:30. Bertsolariak udaletxeko arkupean: Andoni Egaña, A.M. Peñagarikano eta Iñaki Murua. Gai jartzailea: Joanes Etxaide.
14:30. Bertso bazkaria, Ostatun (txartelak Ostatun daude salgai, abuztuaren 23ra arte).
15:00. Plater tiroa Otzaurteko bentaren atzealdean.
16:00-19:00. Puzgarriak Elizondo plazan.
18:00. Bertsolarien bigarren saioa, udaletxeko arkupean.
19:30. Buruhandi eta erraldoiekin kalejira, Tobera Musika Eskolako trikitilariekin.
21:30. Herri afaria, Luma Gorri oilaskoarekin eta Sant Sadurni d’Anoiako cavarekin.
Gauean: Joselu Anaiak

Abuztuak 26, larunbata

10:30. Herritarren arteko toka txapelketa.
13:00. Kuadrillak plazan elkartzea.
14:30. Kuadrillen arteko bazkaria, Incansables txarangarekin, Aitxuri Herri Eskolako patioan.
17:00. Kuadrillen arteko txapelketa, Aitxuri Herri Eskolako patioan.
19:30. Kuadrillen kalejira buruhandi eta erraldoiekin.
Gauean: Tximeleta taldearekin dantzaldia.

Abuztuak 27, igandea