Beleak ez du jaitsi nahi izan, baina zegamarrek festari ekin diote mozorroak jantzita

Goizean herritarren arteko txirrindulari probak jokatuko dituzte, eta eguerdian mozorroturik atera dira kalera.

Goierriko Hitza

2017/08/23

Mozorro originalak ikusteko aukera izan da Zegaman. / Maialen Igartua

Hasi dituzte San Bartolome jaiak Zegaman. Beleak ez du udaletxeraino jaitsi nahi izan, eta bide erdian geratu da trabatuta. Herritarrek, hala ere, ez dute umorerik galdu eta festari ekin diote Joseba Izagirre alkateak txupina bota bezain laister. Mozorroturik atera dira kalera gaur zegamarrak. Denetariko mozorroak ikus zitezkeen: Zegama okindegiko okinak, sorginak, batukada, animaliak, mexikarrak… eta tartean “Este año nos ha pillado el toro” kartela zuen karroza bat ere bai: kuadrillan mozorrorik prestatzeko astirik hartu ez, eta bakoitzak etxean zuen jantziarekin atera dira kalera. Iluntzean banatuko dituzte mozorro onenentzat sariak. Bi sari izango dira, bata 18 urtetik beherakoentzat eta bestea 18 urtetik gorakoentzat. Bitartean, herritarren bola eta futbito txapelketak izango dituzte. Ikusi hemen egitarau osoa. Goizean goiz, Apeaderora igoera egin dute txirrinduz, Jabier Berasategiren oroimenez. Hauxe izan da sailkapena: 14 urtetik gorakoak (30 parte hartzaile, denak mutilak)

Aritz Perez
Ander Perez
Asier Izuzkiza Beteranoa: Pedro Luiz Arizkorreta Tarteko helmuga: Aritz Irastorza Tarteko helmuga, beteranoak: Pedro Luis Arizkorreta

12-13 urteko neskak (Parte hartzaile bakarra)