'Paranoid park' filma proiektatuko du bihar Legazpi Zine Klubak
Emanaldia 22:15ean hasiko dute, Latxartegi aretoan. Gus Van Santek 2007an zuzendua, Estatu Batuetako nerabezaroaren erretratua eskaintzen du. Zine Klubetik azaldu dutenez, “nerabeen inguruan sortzen den eguneroko indarkeria erakusten du. Ez da nihilista, ez morala, ez apetatsua; Van Sant zuzendariaren zine interesgarrienak belaunaldi osoaren axolagabekeria eta noraeza erretratatzen eta erakusten du balio-judizioak eman gabe”.
