Euskarazko irakurzaletasuna zabaltzeko eta Aizkorpe bailarako biztanleei euskaraz bizitzeko aukera berri bat emateko helburuarekin, Berria Taldeak gaur hasita, kanpaina berezia egingo du datozen 15 egunetan, Ampo enpresak babestuta eta Gipuzkoako Foru Aldundiaren laguntzarekin. Horrela, Aizkorpe bailarako bost herrietako (Idiazabal, Segura, Zegama, Zerain eta Mutiloa) bizilagunek 15 egunez doan jasoko dute euskarazko prentsa. Egunero, astelehenetan izan ezik, Berria egunkaria; asteartetik ostegunera, Berriarekin batera, Goierriko Hitza; ostiraletan, Berria, Gipuzkoako Hitza eta Goierriko Hitza eta abenduaren 17an (ostirala), ostiraletako eskaintzarekin batera Goierritarra aldizkaria. Gaur egin dute kanpaina horren aurkezpena Idiazabalen, Berriako, Hitzako, Ampoko, Gipuzkoako Foru Aldundiko eta Aizkorpe bailarako herrietako alkateek. Juan Mari Larrarte Berriako kideak aipatu du euskarazko hedabideen zabalkundeari eta garapenari begira, oso zaila egiten zaiela herritarrengana iristea. ”Euskarazko hedabideok asko sortzen dugu eta gauza ugari egiten dugu, baina gero, horiek jendearengana eramatea zaila egiten zaigu askotan, erdarazko merkatu zabal baten barruan bizi garelako eta horren barruan toki bat egitea kosta egiten delako. Zaila egiten zaigu besteak beste, baliabide falta eta diru premia handiak izaten ditugulako normalean euskarazko hedabideok”. Hausnarketa horren haritik, erabaki zuten Aizkorpe bailaran kanpaina berezi hori abian jartzea eta beraz, herritar guztiengana iristeko ahalegina egitea. 15 egunez etxe guztietan euskarazko prentsa doan banatu eta produktu horiek guztiak herritarrei [...]
Lazkaoko Antzar Korrikalariak taldeak antolatutako bederatzigarren Antzar Krosa igandean, abenduak 12, jokatuko da Lazkaon. Agauntza ibaiak Zubierrekan egiten duen meandroan izango dira lasterketak. Zelaiko korrika modalitateko Goierriko lasterketa bakarra da Antzar Krosa. Igande goizean ehunka kirolari elkartuko dira barrutian. 1.200 metro luzeko zirkuitua mugatuko dute antolatzaileek. Bederatzi lasterketa izango dira guztira, adinka bereizita eta distantzia desberdinetara. Kirolari federatuentzat eta Gipuzkoako Eskola Kiroleko haurrentzat da. Aurreko urteetan 300-400 partaide artean izan du krosak, eta igandean ere halatsu izatea aurreikusi dute Antzar Korrikalariek. «Partaide kopururik ezin da zehaztu aurrez, federatutako guztiak etor daitezkeelako. Haur bakoitza bere dortsalarekin etorriko da, ikasturte hasieran aukeratzen dute-eta Eskola Kirolean krosa», dio Iñaki Belamendiak. Gipuzkoan «aurrean» dabiltzan korrikalariak etortzea espero dute. «Postu onak egiteak puntuak ematen dizkie beren klubei, eta hori pizgarria da. Inguruko ikastetxeak ere bolkatu dira. Jendea animatu nahi dugu, festa eta giro polita sortzen delako». Aldagelak eta dutxak kiroldegian izango dituzte. Sariak plazan banatuko dituzte 13:00ak aldera. Krosak Eñaut Aldanondo lazkaotarraren izena hartuko du aurten. Igandean justu urtea beteko da Pirinioetan istripuz hil zela. Korrikako taldekideek memoriala eskainita gogoratu dute. Ordutegia 10:00. Emakumezkoak: beteranoak eta kadeteak. 2.400 m. 10:15. Gizonezkoak: beteranoak eta kadeteak. 4.100 m. 10:35. Neskak: juniorrak eta jubenilak. 3.400 m. 10:55. Alebin [...]
23. izango du aurten Luzio Gabiaren omenezko bertso jaialdiak. Andoni Egaña, Maialen Lujanbio, Amets Arzallus eta Unai Iturriaga arituko dira Zelai...
Mila Osinalde zumarragarra arituko da organoan, Ion Aramendi tronpetarekin eta Maria Jesus Arratibel flautarekin lagun dituela. Emanaldia 20:00etan hasiko da eta...
Alkartasuna Lizeoa ikastetxeko ikasleek eta Herriak Elkarlanean Gobernuz Kanpoko erakundeak merkatu solidarioa egingo dute etzi Beasaingo Loinazko San Martin plaza azpian. Azken asteetan ikastetxean bildu dituzten jostailu, joko, mozorro, arropa, liburu… eta gainerako materialak salgai jarriko dituzte, eta salmentarekin lortutako diruarekin Beninera (Afrika) bidaltzeko eguzki lanparak erosiko dituzte. Azoka 10:00etatik 19:00etara egingo da. Herriak Elkarlanean erakundeak otsailean Beninera bidaliko duen edukiontzian bidaliko ditu goierritarren laguntzarekin erositako eguzki lanparak. Bederatzi ordu eguzkitan edukita lanpararen bateria bete egiten da, eta ondoren hiru orduz egiten du argia. Lizeoko ikasleek jakitera eman dutenez, “Beningo haurrak ilundu arte gurasoei laguntzen aritzen dira, eta gauean ezin dituzte etxeko lanak egin, elektrizitaterik ez dutelako, eta horregatik, haur askok ikasketak utzi egiten dituzte”. Hori gertatu ez dadin lortzeko bidaliko dituzte eguzki lanparak. Merkatu solidariorako bildu dituzten hainbat jostailu ere bidaliko dituzte Afrikara. Etziko azokan lanparak erosteko txartelak eta bidezko merkataritzako produktuak ere erosi ahalko dira. Lehen ekintza izango da Ikasturte honetan berrerabilpena, sentsibilizazioa eta kontzientziazioa lantzeko egitasmoa gauzatzeko erabakia hartu dute Lizeoko ikastetxeko Guraso Elkarteak. Egitasmoko lehen ekintza izango da larunbatekoa, eta ikasturtean zehar beste hainbat egingo direla aurreratu dute Guraso Elkarteko kideek. Hurrengoa Olentzero eskea izango da, bertan bildutako dirua ere proiektu honetara bideratuko baitute.
Egitarauak ohiko egitura mantenduko du, baina bi berrikuntza nagusi dakartza aurtengo feriak; Manuel Ruizen izena eramango duen ardo dastatzea eta “Baserritarra...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
