Trafiko ezbehar batek auto ilara luzeak sortu ditu N-1 errepidean
Gaur goizeko zazpirak aldera izan den trafiko ezbehar batek arazoak sortu ditu N-1 errepidean. Legorreta parean izan da istripua, Donostiarako noranzkoan. Kamioi bat errepidetik irten da eta traba egiten du. Hau dela eta, auto ilarak sortu dira berehala; goizeko bederatzietan Beasainera arte iristen ziren ilara hauek. Herrizaingo sailetik azaldu dutenez, kamioia baztertu eta bidea garbitzeko lanetan ari dira.
