Pello Zabalak ‘Harkaitzaren magalean’ liburua aurkeztuko du gaur
Beasaingo Liburu eta Disko azokaren barruan, Harkaitzaren magalean liburua aurkeztuko du gaur Pello Zabalak Beasainen. Igartza jauregian egingo den saioan liburuaren nondik-norakoak azalduko ditu Zabalak, eta aurkezpenean elkartzen direnekin solasean e...
Beasaingo Liburu eta Disko azokaren barruan, Harkaitzaren magalean liburua aurkeztuko du gaur Pello Zabalak Beasainen. Igartza jauregian egingo den saioan liburuaren nondik-norakoak azalduko ditu Zabalak, eta aurkezpenean elkartzen direnekin solasean ere ariko da. Aurkezpena 19:00etan izango da.
Alberdania argitaletxeak honela laburutu du Zabalaren Harkaitzaren magalean lana: “Pello Zabalaren asmoa da izadiaren gramatikan sartzea, behatzearen poderioz, harekin bat egitearen amorez, ulertzen saiatzea. Oharpen horiek egunen gurpilean idatziz osatua da liburua”. Mendiko behatokia liburuaren jarraipena da gaur Zabalak Beasainen aurkeztuko duena, eta oraingoan ere egunerokotasunak sortzen dizkion zalantza, sentimendu, pentsamendu eta gainerakoak kontuan hartuta idatzi du. Txikitako eta gaztetako hainbat oroitzapen ere bildu ditu liburuan, eta zer pentsatua sortzen duten gai sozialak ere bai, beti ere “Zabalaren berezko prosa poetikoan kontatuak”.
