Eguberrietako kanpainaren amaiera jaialdia egingo du bihar Ilinti elkarteak
Legazpiko Ilinti merkatari elkarteak eguberri hamabostaldiari amaiera emango dio bihar jaialdi batekin. Laubideko oinezkoentzako gunean ospatuko dute jaia, 17:00etatik aurrera, eta bertan, 1.000 euroko erosketa bale bat zozketatuko dute hamabostaldian ...
Legazpiko Ilinti merkatari elkarteak eguberri hamabostaldiari amaiera emango dio bihar jaialdi batekin. Laubideko oinezkoentzako gunean ospatuko dute jaia, 17:00etatik aurrera, eta bertan, 1.000 euroko erosketa bale bat zozketatuko dute hamabostaldian Ilintiko dendetan erosketak egin dituzten bezeroen artean.
Merkatariekin batera, L08 proiektuko gazteak, merkataritza sustatzeko bulegoak eta udaleko departamentu desberdinak aritu dira jaia antolatzen. 17:00etan hasiko dute, jokoekin, tailerrekin eta txokolate janarekin. Disko festa ere egingo dute. 19:30ean erosketa balearen zozketa egingo dute. Eguraldi txarrarekin jaia Domingo Agirre ikastetxeko jolastokian ospatuko dute.
