Jazpana jaialdia iruditan ikusi ahalko da
2010eko urriaren azken asteburuan Beasainen egin zen Jazpana! Fest jaialdiaren barruan antolatutako argazki rallyra aurkeztutako argazkiekin erakusketa irekiko dute antolatzaileek ostiralean. Guztira 36 argazkiz osatutako erakusketa da. Lehiaketan par...
2010eko urriaren azken asteburuan Beasainen egin zen Jazpana! Fest jaialdiaren barruan antolatutako argazki rallyra aurkeztutako argazkiekin erakusketa irekiko dute antolatzaileek ostiralean. Guztira 36 argazkiz osatutako erakusketa da. Lehiaketan parte hartu duten zazpi argazkilarien hiruna argazki eta antolatzaileek ateratako beste bederatzi egongo dira ikusgai.
Argazki horien artean egongo da Ibai Lamarka ordiziarrak ateratakoa, eta epaimahaiko kideen ustez aurtengo saria irabaztea merezi izan duen argazkia. Lamarkak Alzuri argazki dendan gastatzeko 200 euroko balea jasoko du sari gisa erakusketaren inaugurazioaren ondoren. Erakusketa Usurbe antzokiko erakusketa aretoan egongo da ikusgai ostiraletik urtarrilaren 17ra arte.
Larunbatean bestalde, Moby Dick bakarlari getxoztarrak kontzertu akustikoa egingo du erakusketan bertan, 19:00etan. 2009an egin zen lehen aldiz Jazpana! Fest jaialdia, eta kontzertua egin zuen lehena izan zen Moby Dick.
Jaialdiari buruzko argazki guztiak Jazpanak Flickr-en duen orrialdean ere ikusi daitezke.
