Haurrek ‘museoa’ osatu dute Itsasondon Eguberrietako aisialdi programan
Itsasondon Eguberrietako oporretarako haurrentzat eta gazteentzat prestatua zuten egitaraua atzo bukatu zen. Adinkako taldeetan banatuta jarduerak egin dituzte, tartean Ormaiztegiko Zumalakarregi Museora bisita. Eskulanak eta tailerrak ere burutu dituz...
Itsasondon Eguberrietako oporretarako haurrentzat eta gazteentzat prestatua zuten egitaraua atzo bukatu zen. Adinkako taldeetan banatuta jarduerak egin dituzte, tartean Ormaiztegiko Zumalakarregi Museora bisita.
Eskulanak eta tailerrak ere burutu dituzte, eta Ormaiztegin ikusitako museoaren antolaketa oinarri hartuta gazteenek eurek sortu dute naturari buruzko museoa. Gaztelekuan jarri dute hamabost egunerako, eta itsasondoarrek ostiraletan 17:00etatik 20:00etara ikusi ahalko dute.
Bederatzi laguneko beste gazte talde batek irristaketa ikastaroa egin du Mikel Zurutuza itsasondoarrarekin. Donostiako skate parkera eta Txuri Urdinera joan ziren praktikak egitera.
Udalak balorazio «oso positiboa» egin du Gabon programaz.
