Odolki kofradiaren 26. kapituluan Txolarteko boluntarioak eta Oscar Terol Ohorezko Kofrade izendatu dituzte
Gaur eguerdian Odolki Kofradiaren 26. Kapitulua ospatu dute Beasainen. Txolarteko boluntarioak eta Oscar Terol izendatu dituzte Ohorezko Kofrade. Ekitaldian hamabost kofradia inguruk parte hartu dute, gehienak Euskal Herrikoak. Kantabriatik etorritako gaztaren kofradiako kideak ere Beasainen izan dira. Joxe Felipe Auzmendik egin ditu aurkezpen lanak eta Patxi Plazaola alkateak Odolkiaren Kofradiako lehendakari gisa hartu du hitza eta “Beasainen izena nonahi zabaltzeagatik eskerrak eman” dizkie Beasaingo Odolki Kofradiako kideei. Bide batez, Txolarteko kideei egiten duten lana aitortu die “beasaindar guztien izenean”. Auzmendik, bere aldetik, Beasaingo Txolartea 1982. urtean ireki zutela gogoratu du, eta adimen urritasuna dutenekin musutruk lan egiten duten monitoreen izenak esan ditu, guztiak neskak. Auzmendiren arabera Oscar Terol umoregileak “donostiarra bada ere, askotan egiten du gurera nahiz eta hiriburutik herrietara egitea ohikoa ez den”. Ohorezko kofradeek Beasaingo Odolkien enbaxadore izango direla zin egin dute eta hitza hartu dute. Txolarteko boluntarioen izenean monitoreetako batek ondokoa esan du: “Bihotza betetzen zaigu gure lana egitera goazenean eta beasaindar guztiei gogoratu nahi diegu non gauden”. Terolek “Txolarteko kideekin kofrade izendatzea ohorea” dela esan du.
Beasaineko Txolarteko bolondresen ordezkariak eta Oscar Terok ohorezko kofrade izendatu eta gero, gaur
Gaur eguerdian Odolki Kofradiaren 26. Kapitulua ospatu dute Beasainen. Txolarteko boluntarioak eta Oscar Terol izendatu dituzte Ohorezko Kofrade. Ekitaldian hamabost kofradia inguruk parte hartu dute, gehienak Euskal Herrikoak. Kantabriatik etorritako gaztaren kofradiako kideak ere Beasainen izan dira.
Joxe Felipe Auzmendik egin ditu aurkezpen lanak eta Patxi Plazaola alkateak Odolkiaren Kofradiako lehendakari gisa hartu du hitza eta “Beasainen izena nonahi zabaltzeagatik eskerrak eman” dizkie Beasaingo Odolki Kofradiako kideei. Bide batez, Txolarteko kideei egiten duten lana aitortu die “beasaindar guztien izenean”. Auzmendik, bere aldetik, Beasaingo Txolartea 1982. urtean ireki zutela gogoratu du, eta adimen urritasuna dutenekin musutruk lan egiten duten monitoreen izenak esan ditu, guztiak neskak.
Ekitaldia amaitzean kofrade guztiak plazan
Auzmendiren arabera Oscar Terol umoregileak “donostiarra bada ere, askotan egiten du gurera nahiz eta hiriburutik herrietara egitea ohikoa ez den”. Ohorezko kofradeek Beasaingo Odolkien enbaxadore izango direla zin egin dute eta hitza hartu dute. Txolarteko boluntarioen izenean monitoreetako batek ondokoa esan du: “Bihotza betetzen zaigu gure lana egitera goazenean eta beasaindar guztiei gogoratu nahi diegu non gauden”. Terolek “Txolarteko kideekin kofrade izendatzea ohorea” dela esan du.
