‘La flor del desierto’ filma etzi gaztetxean
Ordiziako Gaztetxearen 25. urteurrena ospatzeko ekitaldien baitan otsaileko lehen ekintza etzi, hilak 12, egingo dute gaztetxean. La flor del desierto filma proiektatuko dute 19:00etan. Ondoren filmari buruzko mahai-ingurua egingo dute. Larunbaterako, ...
Ordiziako Gaztetxearen 25. urteurrena ospatzeko ekitaldien baitan otsaileko lehen ekintza etzi, hilak 12, egingo dute gaztetxean. La flor del desierto filma proiektatuko dute 19:00etan. Ondoren filmari buruzko mahai-ingurua egingo dute. Larunbaterako, berriz, Ordiziako elkarte gastronomikoen arteko patata tortilla lehiaketa egingo dute plazan, 18:00etan. Lehiaketa horren bitartez Aspanogiren (Gipuzkoako haur minbizidunen eta senideen elkartea) lana gizarteratu nahi dute, eta bide batez, ekarpen ekonomikoa egin.
Hurrengo ostegunean, hilaren 17an, Zigor Lampre disko jartzailearekin diskoak jartzen ikasteko ikastaroa izango da gaztetxean, eta hilaren 19an, 25 urte bidea egiten diskoa aurkeztuko dute eta hainbat taldek kontzertuak joko dituzte Ordiziako zenbait tabernatan. Otsaileko egitaraua bukatzeko, hilaren 26an, Lip Dub-a grabatuko dute.
