Goierriko I. Pala Koparen finala igandean jokatuko dute Olaberrian
Igandean 11:30a aldera hasiko da Olaberriko pilotalekuan Goierriko I. Pala Koparen finala. Idiazabalgo Atxurbide eta Ordiziako Oiangu elkarteetako zortzi bikotek parte hartu dute. Final-laurdenak eta finalaurrekoak jokatu ondoren, finalean bi bikote ha...
Igandean 11:30a aldera hasiko da Olaberriko pilotalekuan Goierriko I. Pala Koparen finala. Idiazabalgo Atxurbide eta Ordiziako Oiangu elkarteetako zortzi bikotek parte hartu dute. Final-laurdenak eta finalaurrekoak jokatu ondoren, finalean bi bikote hauek ariko dira: Joseba Gutierrez (Sopelana) eta Sebastian Goñi (Idiazabal) batetik, eta Mikel Arantzegi (Olaberria) eta Azeari Andonegi (Lazkao) bestetik.
Gutierrez-Goñi bikoteak Jon Soraluze eta Josetxo Erize kanporatu zituen finalaurrekoan, 35 eta 32. Beste bikote finalistak aiseago lortu zuen azken partidarako txartela, finalerdian Garikoitz Arrieta eta Zuaitz Letamendia 35 eta 23 gaindituta.
Pilota jaialdia 10:30ean hasiko da, jubenilen erakustaldi batekin. Finala 11:30a aldera hasteko aurreikuspena dute antolatzaileek. Gero bazkaria egingo dute partaide guztiek Arkupen. Korrika 17ren aldeko ekitaldi modura txertatu dute.
