Banatu dituzte CAF-Elhuyar sariak
Atzo arratsaldean banatu zituzten Usurbilen (Gipuzkoa) CAF-Elhuyar sariak. Dibulgazio-artikulu orokorraren saria Jose Maria Rivadeneyra informatikari usurbildarrak jaso du, Merezi ote digu banda-zabalera handitzea? izenburupean aurkeztutako arikuluare...
Atzo arratsaldean banatu zituzten Usurbilen (Gipuzkoa) CAF-Elhuyar sariak. Dibulgazio-artikulu orokorraren saria Jose Maria Rivadeneyra informatikari usurbildarrak jaso du, Merezi ote digu banda-zabalera handitzea? izenburupean aurkeztutako arikuluarengatik; Egilearen doktore-tesian oinarritutako dibulgazio-artikuluaren saria Naroa Aldanondo pasaitarrak eta Biologian doktoreak jaso du, Antxoaren gorabeherak ulertu nahian izeneko lanarengatik.
Gazteei zuzendutako zientzia-narrazioaren saria berriz, Aitzol Lasa matematikari barañaindarrak lortu du, Bizikletak izenburupean aurkeztu duen proiektuarengatik. BERRIA egunkariko Xabier Martin kazetariak eskuratu du zientzia-kazetaritzaren arloko saria, Kate bereko begiak erreportajearengatik.
Kategoria bakoitzari dagozkion sariez gain, Jose Ramon Etxebarriak Merezimendu saria jaso du euskarazko zientzia eta teknologiaren kulturan egindako lanarengatik. Etxebarriak Eustakio Arrojeria Elhuyar Fundazioko lehendakariordearen eskutik jaso zuen atzo saria. Sari honekin, omenaldi bat eskaini nahi izan zaio Etxebarriari, “40 urtetan zientzie eta teknologiaren arloan euskarari eta euskal gizarteari egindako ekarpen oparoagatik”.
