Salamancako Julio Lopezek parte hartuko du bihar ‘Bixi-Bixi’ irratsaioan
Bihar, maiatzak 25, Maizpidetik Julio Lopez joango da Segura Irratiko mikrofonoetara Bixi-Bixi saioan parte hartzera. Lopez izatez Salamancakoa da, baina egun Zarautzen bizi da, eta euskara nola ikasi zuen izango du hizpide 12:15netatik aurrera. L...
Bihar, maiatzak 25, Maizpidetik Julio Lopez joango da Segura Irratiko mikrofonoetara Bixi-Bixi saioan parte hartzera. Lopez izatez Salamancakoa da, baina egun Zarautzen bizi da, eta euskara nola ikasi zuen izango du hizpide 12:15netatik aurrera. Lierni Elorza irratsaioaren gidariak jakitera eman duenez, “modu horretan osatuko dugu gaur Kanpotarrak euskaraz, aurtengo denboraldian hasitako saila”.
Euskara txukun erabiltzeko aholkuak Maizpideko zuzendari Marian Bidegainek emango ditu. Umore puntua Juanito Mendizabal idiazabaldarrak jarriko du, eta Goierriko Hitza egunkariko kazetari Miriam Lukik hauteskundeei buruzko hausnarketa egingo du. Bertan izango dira Santos Beloki eta Aitor Calvillo ere, eta beraz ohiko sailekin osatuko dute Bixi-Bixi.
