Nerea Elustondo bigarren fasera
zingizango.com • Gipuzkoako bertsolari txapelketako kanporaketak jokatu dira asteburuan. Joseba Barandiaranek Gabirian kantatu zuen eta Nerea Elustondok Aretxabaletan. Nerea udazkeneko faserako sailkatu da. Joseba Barandiaranek saio ona egin zuen Ga...
zingizango.com •
Gipuzkoako bertsolari txapelketako kanporaketak jokatu dira asteburuan. Joseba Barandiaranek Gabirian kantatu zuen eta Nerea Elustondok Aretxabaletan. Nerea udazkeneko faserako sailkatu da.
Joseba Barandiaranek saio ona egin zuen Gabirian. Bere kanporaketan hirugarren egin zuen. Hala ere, egindako bi saioen batura ez du nahikoa izango udazkeneko fasera sailkatzeko. Nerea, berriz, udazkeneko fasean izango dugu. Oraindik ere Zumarragako bi kanporaketak falta badira ere, matematikoki sailkatuta dago, dagoeneko.
Julen Agirreburualdek Zumarragako arratsaldeko saioan kantatuko du igandean. Udazkeneko fasera sailkatzeko oso puntuazio altua atera beharko luke. Hala ere, saiorik onena atera dakiola opa diogu.
Orain arteko puntuazioak hemen ikus ditzakezue:
http://www.gpuntua.com/sailkapenak
Legazpiarrak eskola arteko txapelketan
Ostiralean Gipuzkoako Eskola Arteko bertsolari txapelketako azkeneko kanporaketa jokatu zen Lazkaon. Lehenengo idatzian jardun zuten eta, ondoren, bat-batean. Legazpiarrek idatzizko txapelketan hartu zuten parte. Ane Beloki, Mikele Tolosa, Mikele Arizkorreta, Jone Narbaiza, Lierni Ugarte eta Oihane Gurrutxaga izan ziren bertan. Bertsoak idatzi ondoren, bat-bateko txapelketaz gozatzeko aukera izan zuten. Saridunen izenak Azpeitian emango dituzte datorren ostiralean, bat-bateko finalaren egunean.
