Zumarragatik Beasainerako errepidean zama galdu du kamioi batek
Gaur, 13:45ak inguru, kamioi batek zama galdu du Zumarraga-Beasain (Gi-632) errepidean. Guztira, 2.300 kiloko hagatxo fardela erori da, hala ere, errepidea ez dute moztu behar izan; Zumarragako Eitzagako errotondatik gertu, Beasainerako errepidean sartzeko errailean gertatu baita istripua. Zirkulazioa bideratzen dabil une honetan Ertzaintza, eta garabi bat dago jada hagatxoak bazterbidetik jasotzen.
