Urrian hamabi zine emanaldi egingo dituzte Latxartegi aretoan
Urria zine emanaldiz beteta dator Legazpin. Zine Kluba, haurrentzako zinema eta igandeetako emanaldiak batuko dira astero. Zine Klubari dagokionez, ostiral gauetan egingo dituzte emanaldiak, 22:15ean. Datorren astean hasiko dituzte, Alberto Gorriti...
Urria zine emanaldiz beteta dator Legazpin. Zine Kluba, haurrentzako zinema eta igandeetako emanaldiak batuko dira astero.
Zine Klubari dagokionez, ostiral gauetan egingo dituzte emanaldiak, 22:15ean. Datorren astean hasiko dituzte, Alberto Gorritiberea zuzendariaren Arriya pelikularekin. Hurrengo asteetan En un mundo mejor, Poesia eta Incendios pelikulak proiektatuko dituzte, ostiralero Latxartegi aretoan. Igandeetan ere zine emanaldiak egingo dituzte 19:30ean. Datorren astean Arriya pelikula errepikatuko dute, baina hurrengo asteetan El discurso del rey, Mas alla de la vida eta Cisne Negro pelikulak ikusi ahal izango dira igandeetako sesioetan.
Azkenik, haurrentzako emanaldiak ere igandeeta egingo dituzte, 17:00etan. El pequeño rey Marcius, Enredados, El oso Yogui eta Los Viajes de Gulliver filmak proiektatuko dituzte ordutegi honetan, datorren astean hasita.
