Gipuzkoako DYAk bere lana ezagutarazteko jardunaldia egingo du igandean
Gipuzkoako DYAk bere lana eta eskaintzen dituen zerbitzuak ezagutarazteko eguna antolatu du iganderako. Ordiziako Barandiaran plazan egingo dute jardunaldia, 11:00etatik 19:00etara, eta herritar guztiei egin diete bertara etortzeko gonbitea. Egunean ze...
Gipuzkoako DYAk bere lana eta eskaintzen dituen zerbitzuak ezagutarazteko eguna antolatu du iganderako. Ordiziako Barandiaran plazan egingo dute jardunaldia, 11:00etatik 19:00etara, eta herritar guztiei egin diete bertara etortzeko gonbitea.
Egunean zehar, sorospen lanerako erabiltzen dituzten ibilgailuen erakusketa jarriko dute. Horrekin batera, umeentzako hainbat jolas ere izango dira, hala nola rokodromoa eta tirolina, mendiko erreskateak irudikatzeko. Bide segurtasuneko zirkuitu bat eta eskulan tailerra ere izango dira. 16:00etan, globoflexia tailerra egingo dute. Tentsioa doan hartzeko stand bat ere izango da.
