Zaldibian kuadrillen eguna ospatuko dute bihar, Santa Fe jaiak astebete luzatuta

Santa Fe jaietako egun gehienak aurreko astean batu bazituzten ere, zaldibiarrek biharko utzi dute azken parranda. Kuadrillen eguna ospatuko dute, bigarren larunbata ere festarako hartuta. Eta, biharkoaren aitzakian, gaur gaua ere herritarren arteko otorduarekin jantziko du Txosna Batzordeak, «giro lasaian» bada ere. Herriko lagun-taldeen juntadizoak estimu handia du zaldibiarren artean. Bai bertan bizi direnak, bai kanpora joanak, plaza inguruan elkartuko dira, bihar. Bazkariari jarriko diote arreta lehendabizi, kalejira eta musika artean, hori bai. Erramun Amundarain ordiziarrak eta bere sukaldari taldeak prestatuko dute bazkaria plaza ertzean, Goierriko herrietan beste hainbatetan bezala. Paella, entrekota, ijito besoa izozkiarekin, kafe, kopa eta puru, 23 euroan bazkalduko dute. Txartelak Zaldibiako tabernetan dauzkate salgai; oraindik «batzu-batzuk» geratzen dira saltzeko. Kuadrillen arteko bazkarian 300 bat lagun elkartuko diren kontua aterata du udalak, egunaren antolatzaileak. Jun da Jo txaranga ariko da kaleak alaitzen, bai eguerdian, bai arratsaldean. Kuadrillek jokoetan parte hartu ahalko dute, baita ere. Larunbata bukatzeko, eta aurtengoz jaiak erabat ixteko, Trikizio taldeak joko du gauean. Herri afaria, gaur Txosna Batzordeak, biharko eguna girotze aldera, gaur gauerako beste juntadizo bat antolatu du, egitarauan iragarri gabea. Herri afaria izango da, gaur, 21:00ak aldean, Zaldibiako plazan. Norberak eraman behar du jatekoa; sagardoa, kafea eta kopakoa batzordekoek jarriko dute. Afal [...]

Aimar Maiz

Zaldibia

2011/10/14

Santa Fe jaietako egun gehienak aurreko astean batu bazituzten ere, zaldibiarrek biharko utzi dute azken parranda. Kuadrillen eguna ospatuko dute, bigarren larunbata ere festarako hartuta. Eta, biharkoaren aitzakian, gaur gaua ere herritarren arteko otorduarekin jantziko du Txosna Batzordeak, «giro lasaian» bada ere.
Herriko lagun-taldeen juntadizoak estimu handia du zaldibiarren artean. Bai bertan bizi direnak, bai kanpora joanak, plaza inguruan elkartuko dira, bihar. Bazkariari jarriko diote arreta lehendabizi, kalejira eta musika artean, hori bai.
Erramun Amundarain ordiziarrak eta bere sukaldari taldeak prestatuko dute bazkaria plaza ertzean, Goierriko herrietan beste hainbatetan bezala. Paella, entrekota, ijito besoa izozkiarekin, kafe, kopa eta puru, 23 euroan bazkalduko dute. Txartelak Zaldibiako tabernetan dauzkate salgai; oraindik «batzu-batzuk» geratzen dira saltzeko. Kuadrillen arteko bazkarian 300 bat lagun elkartuko diren kontua aterata du udalak, egunaren antolatzaileak.
Jun da Jo txaranga ariko da kaleak alaitzen, bai eguerdian, bai arratsaldean. Kuadrillek jokoetan parte hartu ahalko dute, baita ere. Larunbata bukatzeko, eta aurtengoz jaiak erabat ixteko, Trikizio taldeak joko du gauean.
Herri afaria, gaur
Txosna Batzordeak, biharko eguna girotze aldera, gaur gauerako beste juntadizo bat antolatu du, egitarauan iragarri gabea. Herri afaria izango da, gaur, 21:00ak aldean, Zaldibiako plazan. Norberak eraman behar du jatekoa; sagardoa, kafea eta kopakoa batzordekoek jarriko dute.
Afal ondoren euskal kantu zaharrak abestuko dituzte.

Egitaraua
Kuadrillen eguna