Musika eskolako helduen abesbatzak kontzertua egingo du Lazkaon, etzi
Lazkao Txiki Musika Eskolan aurten txertatu den Lazkaoko helduen abesbatzak kantu-saioa egingo du etzi, osteguna, Lazkaon bertan. Aro berriko lehen emakizuna izango da, koruak bere kabuz emanaldi osoa hartuko duen estreinako kontzertua baita. San Prude...
Lazkao Txiki Musika Eskolan aurten txertatu den Lazkaoko helduen abesbatzak kantu-saioa egingo du etzi, osteguna, Lazkaon bertan. Aro berriko lehen emakizuna izango da, koruak bere kabuz emanaldi osoa hartuko duen estreinako kontzertua baita. San Prudentzio ermitan da kantaldia, etzi, 19:00etan hasita.
Euskal abestiekin osatuko dute errepertorioa. Tartean, garaiari dagokion bezala, gabon kantuak sartuko dituzte, euskal klasikoen ondoan.
Eguberri kontzertuak, prest
Musika eskolak, bestetik, Eguberri aurreko ohiko emanaldi sorta datorren asterako iragarri du. Zerbitzua ematen duen hiru herrietan —Lazkao, Ataun eta Ikaztegieta— haurren gabon kontzertu bana dago.
Astelehenean, abenduak 19, Ikaztegietako udaletxean da, 18:00etan. Asteartean, hilak 20, Ataun San Gregorion ariko dira haurrak, 17:30ean, proiekzio aretoan. Azkenik, abenduaren 22an, osteguna, Lazkaoko ikasleek Arerian dute dute saioa, 18:30ean.
