Olentzeroren etorrera eta jaiotza, asteburuan
Gabon asteburu honetarako bi ekitaldi nabarmen antolatu dituzte Lazkaon. Etzi, Gabon eguna, Olentzeroren etorrera girotzeko desfilea eta harrera egingo dituzte, 17:30ean hasita. Igandean, Eguberri, 13:00etan jaiotza biziduna antzeztuko dute, Lazkao Txi...
Gabon asteburu honetarako bi ekitaldi nabarmen antolatu dituzte Lazkaon. Etzi, Gabon eguna, Olentzeroren etorrera girotzeko desfilea eta harrera egingo dituzte, 17:30ean hasita. Igandean, Eguberri, 13:00etan jaiotza biziduna antzeztuko dute, Lazkao Txiki Zelaian. 12:00etan, parrokiako mezan, Lazkao koruak ere parte hartu du.
Olentzeroren eta Mari Domingiren desfilea San Prudentzio auzotik abiatuko da, plazaraino. Herritarrez gain, musika eskolako trikitilariak eta abeslariak, Antzar Gazteak txistulariak eta Oin Arineko dantzariak ibiliko dira, eskean. Gerontologikoan, Gurutzeko 3. dorrearen parean, Areson, Lazkao Txiki Plazan eta enparantzan geldituko dira.
Plazan txalapartariak, abesbatza eta dantzariak ariko dira. Hator hator abestu, Gabon gauari ongietorria egin, eta neguko solstizioaren berri emango dute. Gaztaina erreak banatuko dituzte.
