Futbol Comedy taldeak irabazi du futbol 7 txapelketa
Gaur jokatu dute fútbol zazpi txapelketako finala, eta Futbol Comedy taldeak irabazi du. Urtatza Racing taldea izan du aurkari eta 1 eta 0 irabaztea lortu du txapeldunak, Andoni Pastriainek egindako golarekin. Egun osoan zehar egin dute festa futbol 7 txapelketa aitzakia hartuta, goizetik hasi eta iluntzera arte. Goizean 3. eta 4. postuak erabakitzeko partida jokatu dute Burkina Faso eta Makabi de levantar taldeek, eta 3-2 emaitzarekin Burkina Faso taldeak lortu du garaipena. Beraz, Legazpiko 5. Futbol Zazpi Txapelketako lehen lau postuak honela geratu dira: laugarren postuan Makabi de Levantar, hirugarren Burkina Faso, bigarren Urtatza Racing eta txapelketako garailea Futbol Comedy. Ez dira horiek izan, ordea, banatu dituzten sari bakarrak. Futbol Comedy taldeko Andoni Pastriainentzat izan dira aurten Pitxixi Saria + Ibargutxi Kirolak saria eta Aiztonagako Trigrea saria eta Oskarbi Optika saria. Futbol Comedy taldeak Azpikoetxea jatetxean afaria irabazi du, gaur gauerako. Taldekide gutziak bertan izango dira garaipena ospatzen, eta txapelketako gainerako parte hartzaile guztiek txapelketako oroigarri bana jasoko dute. Futbola baino gehiago Gaur Legazpin futbolaz baino gehiago gozatzeko aukera izan dute. Izan ere, egun osoko festa egin dute, goizean partidak jokatzeaz gain eguerdian bazkaria egin baitute azokan. Guztira, 600 lagun elkartu dira bazkari herrikoian. Arratsaldean, elkarrekin joan dira denak futbol [...]
Gaur jokatu dute fútbol zazpi txapelketako finala, eta Futbol Comedy taldeak irabazi du. Urtatza Racing taldea izan du aurkari eta 1 eta 0 irabaztea lortu du txapeldunak, Andoni Pastriainek egindako golarekin. Egun osoan zehar egin dute festa futbol 7 txapelketa aitzakia hartuta, goizetik hasi eta iluntzera arte.
Goizean 3. eta 4. postuak erabakitzeko partida jokatu dute Burkina Faso eta Makabi de levantar taldeek, eta 3-2 emaitzarekin Burkina Faso taldeak lortu du garaipena. Beraz, Legazpiko 5. Futbol Zazpi Txapelketako lehen lau postuak honela geratu dira: laugarren postuan Makabi de Levantar, hirugarren Burkina Faso, bigarren Urtatza Racing eta txapelketako garailea Futbol Comedy.
Ez dira horiek izan, ordea, banatu dituzten sari bakarrak. Futbol Comedy taldeko Andoni Pastriainentzat izan dira aurten Pitxixi Saria + Ibargutxi Kirolak saria eta Aiztonagako Trigrea saria eta Oskarbi Optika saria. Futbol Comedy taldeak Azpikoetxea jatetxean afaria irabazi du, gaur gauerako. Taldekide gutziak bertan izango dira garaipena ospatzen, eta txapelketako gainerako parte hartzaile guztiek txapelketako oroigarri bana jasoko dute.
Futbola baino gehiago
Gaur Legazpin futbolaz baino gehiago gozatzeko aukera izan dute. Izan ere, egun osoko festa egin dute, goizean partidak jokatzeaz gain eguerdian bazkaria egin baitute azokan. Guztira, 600 lagun elkartu dira bazkari herrikoian. Arratsaldean, elkarrekin joan dira denak futbol zelaira, eta bazkariko jendeari beste dozenaka lagun gehitu zaizkio. Iker Azpeitia txapelketako antolatzaileetako batek jakinarazi duenez, 700 zapi zituzten ikusleen artean banatzeko, eta bat bera ere ez da soberan geratu. Antolatzaileen kalkuluen arabera, 800 ikusle inguru izan dira futbol zazpiko finala ikusten.
Partidan zehar, gainera, nabarmena izan da ikuslearen festarako gogoa. Animo ohiuak etengabekoak izan dira, eta festarako aldarriak ere ez dira falta izan. Ezta aldian behineko petardoak ere. Behin partida amaituta, elkarrekin jarraituko dute festan, elektrotxaranga aurretik dutela, herrigunera jaitsiko baitira legazpiarrak, kalez kale eta tabernaz taberna festarekin jarraitzeko.
