Agirre Etxeberri barrutik ikusteko aukera izango da asteburuan
Legazpiko Udalak Agirre Etxeberri ate irekien asteburua antolatu du. Ostiralean hasi eta igandera bitartean eraikina barrutik ikusteko aukera izango dute hala nahi duten legazpiarrek. Ordu beteko bisita libreak izango dira eta txanda eskatzea beharrezk...
Legazpiko Udalak Agirre Etxeberri ate irekien asteburua antolatu du. Ostiralean hasi eta igandera bitartean eraikina barrutik ikusteko aukera izango dute hala nahi duten legazpiarrek. Ordu beteko bisita libreak izango dira eta txanda eskatzea beharrezkoa izango da. Udaletxean eskatu daiteke bisita tiketa aldez aurretik, baita bertan ere, lekurik balego.
Ekimenaren helburu nagusiena eraikina herritarrei erakustea den arren, etorkizunean legazpiarrek Agirre Etxeberriri zein erabilera eman nahi dioten jakitea ere bada udalaren nahia, Rakel Puente zinegotziak esan duenez. Horretarako herritarrei euren iritzia emateko eskatuko zaie.
Udalarenak diren eraikinei emango zaien erabilera erabakitzeko martxan jarri den parte hartze prozesuan ateratako ondorioak ere jakinaraziko dituzte «modu xumean».
Bisitak ordu beteko iraupena izango dute. Ostiral arratsaldean hiru saio izango dira 16:00etan hasita. Larunbatean goizean eta arratsaldean eta igandean goizez bakarrik.
