Musika eskolan izena emateko azken egunak
Beasaingo Loinatz musika eskolak hilaren 10etik aurrera hasiko du ikasturte berria, eta matrikula egin nahi dutenek, egunotan izango dute azken aukera. Horretarako, bihar edo etzi jo behar da musika eskolara, 09:00etatik 13:00etara bitartean. Orduteg...
Beasaingo Loinatz musika eskolak hilaren 10etik aurrera hasiko du ikasturte berria, eta matrikula egin nahi dutenek, egunotan izango dute azken aukera. Horretarako, bihar edo etzi jo behar da musika eskolara, 09:00etatik 13:00etara bitartean. Ordutegiak berriz, ostiralean banatuko dituzte, 17:00etan.
Loinatz musika eskolan hainbat instrumentu jotzen ikasteko aukeraz gain, musika lengoaia, harmonia, informatika musikala edota musika analisia bezalako ikastaroak egiteko aukera ere badago, Horrez gain, combo taldeak, banda, abesbatza eta trikitixa nahiz txistulari taldeak dituzte, besteak beste.
Musika eskolako arduradunek jakinarazi dutenez, plazak mugatuak dira, eta izena emateko ordena errespetatuko da. Gitarran, bibolinean, trikitixan eta kantuan ez dago tokirik.
