Zabor mordoxka atera dute Lazkaon Agauntza errekatik
Lazkaoko Gazte Asanbladak uztailean eta abuztuan antolatu dituen mota desberdinetako ekimenen emaitza «oso positiboa» izan da. Hala baloratu dute gazte taldekoek, bai asteazken gauetan plazan eman dituzten dokumentalen harrera, bai uztailaren azkenean Agauntza erreka garbitzeko auzolana ere. Ikus-entzuneko ugari ikusi ahal izan dira aire librean, gai asko jorratzen dituztenak. «Herriko gazte eta adin askotako jende ugari bildu gara. Egitasmoaren lehen aldia izanik, eta izan duen emaitza ona ikusita, aurrera begira ere dokumental gehiago eskaintzeko asmoa dugu». Bestetik, uztailaren 30ean zabor mordoxka atera zuten errekatik herrigunearen parean, «uste baino gehiago». «Telebista bat, seinaleak, zabor poltsak, arrainen buru hezurrez betetako poltsak, kontsoladore bat, moto bat, besaulki bat…» aipatu dituzte. Erreka garbitzeko ekimena gazte asanbladak hartu du atzera, urte batzuen ondoren. Urtero egiteko asmoa dute. Oporren aurretik hasitako lanekin jarraitzeko eta ideia berriak biltzeko, asanblada irekia egingo dute gazteek larunbatean, 11:00etan, udaletxean.
Lazkaoko Gazte Asanbladak uztailean eta abuztuan antolatu dituen mota desberdinetako ekimenen emaitza «oso positiboa» izan da. Hala baloratu dute gazte taldekoek, bai asteazken gauetan plazan eman dituzten dokumentalen harrera, bai uztailaren azkenean Agauntza erreka garbitzeko auzolana ere.
Errekatik ateratako hondakinak.
Ikus-entzuneko ugari ikusi ahal izan dira aire librean, gai asko jorratzen dituztenak. «Herriko gazte eta adin askotako jende ugari bildu gara. Egitasmoaren lehen aldia izanik, eta izan duen emaitza ona ikusita, aurrera begira ere dokumental gehiago eskaintzeko asmoa dugu».
Bestetik, uztailaren 30ean zabor mordoxka atera zuten errekatik herrigunearen parean, «uste baino gehiago». «Telebista bat, seinaleak, zabor poltsak, arrainen buru hezurrez betetako poltsak, kontsoladore bat, moto bat, besaulki bat…» aipatu dituzte.
Erreka garbitzeko ekimena gazte asanbladak hartu du atzera, urte batzuen ondoren. Urtero egiteko asmoa dute.
Oporren aurretik hasitako lanekin jarraitzeko eta ideia berriak biltzeko, asanblada irekia egingo dute gazteek larunbatean, 11:00etan, udaletxean.
