Zaldibian kuadrilla eguna ospatuko dute larunbatean
Zaldibiarrek kuadrilla eguna dute oraindik Santa Fe jaien aurtengo eginahala bukatzeko. Larunbatean ospatuko dute, eguerditik aurrera, azken festa-eguna. Herri kirol desafioa egingo dute aurrena, 12:00etan. Lagun-taldeen kalejira 13:00etan hasiko da, B...
Zaldibiarrek kuadrilla eguna dute oraindik Santa Fe jaien aurtengo eginahala bukatzeko. Larunbatean ospatuko dute, eguerditik aurrera, azken festa-eguna.
Herri kirol desafioa egingo dute aurrena, 12:00etan. Lagun-taldeen kalejira 13:00etan hasiko da, Burrunbazale txarangarekin. 14:30ean bazkaria plazan (txartelak aurretik erosi behar dira), eta ondoren jokoak egingo dituzte.
Gauean, Tximeleta musika taldeak jarriko du dantzaldirako giroa. Goizean, 10:30etik aurrera, haurrentzat jolasak antolatuko ditu Guraso Batzordeak, plazan.
Larunbatean herrigunea itxita egongo da ibilgailuentzat, 14:00etatik igande goizera. Eguerdian, Artxanberri kalea ere bai.
