Korrika Kulturala, bete-betea
Martxoaren 14an abiatuko da Andoaindik 18. Korrika, Eman euskara elkarri lemapean, eta egun horretan bertan igaroko da Goierritik –Legorretatik 20:12an sartuko da eta Zegamatik atera 01:30ean–, martxoaren 24an Baionan bukatzeko. Euskararen ikaskuntzan eta erabileran oinarritutako elkarbizitza sustatzea du helburu, eta hori dela eta, euskalduntzen eta alfabetatzen ari diren ikasleak omendu nahi ditu AEK-k.
Hizkuntz normalizazioak behar duen «bultzada herritarra bildu eta zabaldu» nahi du AEK-k, Axular Barandiaran 18. Korrikaren Goierri beheko koordinatzaileak arabera, eta horretarako sostengu ekonomikoa lortzea dago helburu artean. «Baina eskatzeaz gain, eskaintzea ere zilegi delako», Goierri behean sortu diren 12 Korrika batzorderekin batera osatu duten Korrika Kulturalaren egitaraua aurkeztu du gaur AEK-k Ordiziako Barrenan.
Batzordeak 12 badira ere, Goierri beheko 16 herritan 40 ekitaldi baino gehiago izango dira datozen asteetan; tartean daude Gipuzkoako II. mus txapelketa, Korrikaren dokumentala, arropa salmenta, diru bilketa eta hamaika kultur ekitaldi. Goierritarrei parte hartzeko deia egin diete.
EKITALDI NABARMENENAK:
-
Otsailak 23. Korrikako Ginkana, Goierri beheko kanporaketa. Ordiziako plazan, 17:00etan.
Katillukadak txotxongilo ikuskizuna
- Otsailak 28. Emakumea eta antifrankista, zigor bikoitza hitzaldia Ordiziako Barrena kultur etxean, 19:00etan, Hitzaroren eta Kimetzen ekimenez.
- Otsailak 28. Peio Añorga kontalarien ipuin emanaldia Zaldibiako Karreanen, 19:00etan, udalaren ekimenez.
- Martxoak 5. Ate irekien eguna Beasaingo eta Ordiziako Goiztiri AEKren euskaltegietan.
- Martxoak 9. Akirrok ekimena (Korrika atzeraka) Beasaindik Ordiziara, eguerdian.
- Martxoak 9. Katilukadak izeneko txotxongilo emanaldia Olaberriko udaletxean (18:00), udalaren ekimenez.
- Martxoak 9. Dantza zati bat DVDaren aurkezpena eta kontzertua Ordiziako Herri Antzokian, 18:00etan, udalaren eta Amets Bideren ekimenez.
- Martxoak 9. Goierri beheko elkarte gastronomien arteko lehiaketa eta afaria Beasaingo plazapean, 21:30ean. Afalondorenean, Aiko musika taldearekin erromeria, udalaren ekimenez.
- Martxoak 21. Bertso Korrika.
