Itsasondon mami lehiaketa jokatuko da gaur
Itsasondoko I. Mami Lehiaketa gaur izango da, udalak antolatuta. Jubilatu elkartean dastatuko dituzte herritarrek aurkeztutako esnekiak, 18:00etatik aurrera. Aurrez izena emandakoek parte har dezakete, bi ontzikada mami aurkeztuta. Ontziak udaletxean jaso behar dira. Ardi latxaren esnearekin egina izan behar du, azukre edo gehigarririk gabea.
