Dena prest dago Ehunmiliak mendi lasterketa hasteko
Bihar arratsaldean hasiko da Ehunmiliak ultratrail proba, eta gauean G2H lasterketa. Antolakuntza taldekoak eta boluntarioak azken ukituak ematen ari dira, biharko dena prest egon dadin. Gaur hasi dira korrikalarientzako dortsalak banatzen Beasaingo Gernika pasealekuko frontoian. Aurreneko korrikalariak ere etorri dira jada, materiala jasotzera.
Bihar arratsaldean hasiko da Ehunmiliak ultratrail proba, eta gauean G2H lasterketa. Antolakuntza taldekoak eta boluntarioak azken ukituak ematen ari dira, biharko dena prest egon dadin. Gaur hasi dira korrikalarientzako dortsalak banatzen Beasaingo Gernika pasealekuko frontoian. Aurreneko korrikalariak ere etorri dira jada, materiala jasotzera.
Eguraldiari begira daude antolatzaileak, bero handiaz gain, ekaitzak egiteko aukera dagoela baitio Euskalmeten iragarpenak. Mikel Valdibielsok, buruarekin jokatzeko eskatu die korrikalariei, eta “norbere buruaren mugak onartzeko”. Hala, edozein zantzuren aurrean, antolakuntzako kideengana edo Gurutze Gorrikoengana jotzeko eskatu die.
