Aizkorri Mendizale Elkarteak 50 urte bete dituela ospatzeko bazkaria egingo dute larunbatean, Arana kaleko bigarren zenbakian duten lokalean. Mende erdiko ibilbidea duen elkarte honetako kideek asteburuero egiten dituzte mendi-irteerak inguruetan, eta urtean zehar danborradan parte hartu eta zaharren egoitzako bisita ere egiten dute, besteak beste. Elkartean 109 kide dira, baina, kide jubilatuak ere asko dira. 20 urtetik hasi eta 80 urtetik gorako lagunak bilduko dira etzidamu.
Eguerdian elkartean elkartu eta bazkalaurreko mokadutxoa egingo dute. Ordu bete beranduago, 13:00etan ikusentzunezko emanaldia egingo dute. 14:00etan elkarteko sortzaileei omenaldia egingo diete eta festa amaitzeko, bazkaria egingo dute.
