Urretxuko Lurra dantza taldeak ekitaldi berezia antolatu du asteburu honeterako. Hain justu ere, ostegunaz geroztik garagardo azoka egiten ari dira Ederrena pilotalekuan; aurtengoa hamargarren edizioa. Azokan 21 garagardo izango dira aukeran; tartean Iron Miden musika taldekoek ekoizten duten bat eta alkoholik gabekorik ere bai. Gerturatu nahi duenak gaur eta bihar egun osoan zehar du aukera.
Jatekorik ere ez da faltako. Ohiko ukondoa, saltxitxak eta sajoniar solomoaz gainera, oilasko hegoak eta izterrak ere izango baitira. Menuak 25 euroko prezioa izango du iaz bezala. Garagardo txartelak 3,80 euroan salduko dituzte eta pitxarrak 1,50 euroan.
Urtero bezala, hainbat zozketa egingo dituzte bertaratzen direnen artean. Gainera, hemendik bi urte barru Lurrak 50. urteurrena beteko duela-eta, taldearen logoa duten kamisetak, jertseak, motxilak, ardo botilak eta kopak jarriko dituzte salgai pilotalekuan bertan.
