Gazte Festen azkena gaur eta bihar izango da Legorretan
Legorretako XV. Gazte Festen egitarauak zatirik mardulena gaur eta bihar izango du. Gaur, jaia baliatuz, 11:30ean Koateko III. Igoera egingo dute. Izena 11:00etan eman behar da, bidegurutzean. Sariak 12:30ean banatuko dituzte, gaztetxean. Txupinazoa 13:00etan botako dute. 16:00etan toka, igel eta pote txapelketak daude, 18:30ean triki-poteoa Altuna eta Mateorekin, eta 21:00etan kuadrilla arteko afaria, karpan. 23:00etan kontzertuak hasiko dira: Liberando el Corazon eta Revolutionary Brothers.
Bihar, 14:30ean bertso bazkaria dago, Alaia Martin eta Beñat Gaztelumendirekin. Arratsaldean 3indarrok elektro-txaranga ibiliko da, eta gauean kontzertuak daude, karpan. El Cerdo que Grunge, Egurra ta Kitto eta Bolbora taldeak ariko dira.
